Aaiye jante hai Google Titan Security Key kiya hai ?

Google online attack se bachane ke lie security key launch kee hai. company ke mutaabik yah security key enterprise customers ko cyber attack se bachaaegee. Filahaal titan security kee shuruaatee daur men cloud customers ke lie upalabdh hogee. Isakee bikree aane vaale samay men google store ke zariye kee jaaegee.
Google kee yah titan security kee do varient men upalabdh hogee. Ek varient men bluetooth aur NFC kaa support diyaa gayaa hai. Yah two factor authentication mobile device ke lie hogee. Jabaki doosare men USB port diyaa gayaa hai jo computer aur laptop ke lie hogaa.

Haal hee men ek report aaii thee ki google physical security keys kee wajah se ek saal men 85 hajaar google ke karmaacharee fishing attack bache hain. Titan security key men google duyara taiyaar kiyaa gayaa farmwear diyaa gayaa hai. Google cloud ke product management director Jenifar lin ne blog post men likhaa hai, ‘ham kaafee pahale se majabootee se security key ke istemaal karane kee vakaalat karate aae hain, khaasakar cloud admission ke lie jo isake jarie cyber attack se bach sakate hain.’

Kyaa hai Security key?

Two step verification kee tarah hee security Key bhee hotee hai. Yah dikhane men aam pen drive jaisee hee lagatee hai, lekin yah khaas U2F security Key hotee hai. Ise aap online khareed sakate hain jisakee keemat 1,500 rupee se shuroo hotee hai. Ise aap un account men use kar sakate hain jinamen security key add karane kaa option hai. Haal hee men facebook ne security key kaa option add kiya hai to aap ise facebook ke saath bhee use kar sakate hain.
Security Key ko apane account ke saath add karanaa hotaa hai. For Example aapane apane facebook se security key ko jod liyaa hai to ID aur password ke baad aapako computer men security key lagaanee hogee. Binaa security key ke account naheen khulegaa. Yaanee agar kisee ko aapakaa password pataa bhee hai to vo aapakaa account naheen khol sakataa hai.

Kyaa hai ye Two step verification?

Two Step verification darasal extra security kaa feature hai. Isake tahat account login karane se pahale sirf password hee naheen balki pin kee zaroorat hotee hai. For Example agar gmail kaa two step authentication use karenge to aapako email login karane ke lie password ke baad mobile par receive kie gae msg kaa pin darj karanaa hogaa. Isake baad hee aapakaa gmail khulegaa. Yaanee agar kisee ne aapakaa password gess kar liyaa to vo aapakaa account naheen khol paaegaa, kyonki isase pahale aapake number par pin aaegaa.

Leave a Reply

Your email address will not be published. Required fields are marked *