deepa-malik
Bharat ki Deepa Malik ne rio paralympic mein Shot put F-53 mein rajat padak jitakar itihas rach diya. Ve paralympic mein koee padak jitane vali pahali bharatiy mahila khiladi ban gaee.

Yah is paralympic mein bharat ka tisara padak hai. Isase pahale bharat ko purushon ki unchi kud mein Mariyappan Thangavelu ne svarn aur Varun Singh Bhatti ne kansy padak dilaya tha.

Hausalon mein agar udaan ho to kuchh bhi asambhav nahi hai. 17 sal pahale ridh mein tumors ke karan jis deepa malik ka chalana asambhav ho gaya tha, aaj usi ne paralympic khelon mein rajat padak jitakar itihas rach diya. Unake 31 operations hue aur 183 tanke lage the.

Deepa ne Rio paralympic mein wheelchair par baithakar shot put F-53 mein rajat padak jita. 36 sal ki umr mein khelana shuru karane vali do bachchon ki maa 45 varsheey deepa ne apane 6 prayason mein se sarvashreshth 4.61 M. duri napkar dusara sthan paya.

Hue hain 31 operations

Deepa ke kamar se niche ka hissa lakava se grast hain. 17 saal pahale ridh mein tumors ke karan unake 31 operations hue the aur unaki kamar aur panv ke bich 183 tanke lage the.

Aur bhi khelon mein maharat hasil

Deepa haryana ke sonipat ke Bhainswal Kalan ganv ki rahane vali hain. Vah shot put ke alava javelin throw, shot put, discus throw, tairaki aur motar sports se bhi judi hain. Vah tairaki mein kaee antararashtriy padak jit chuki hain. Javelin throw mein unake naam eshiyaee record hai. Unhonne 2011 mein World Championships mein shot put aur discus throw mein rajat padak jite the. Ve rashtriy star par 57 aur antararashtriy star par 17 padak jit chuki hain.

Mil chuka hai Arjun Award

Deepa malik ko unaki upalabdhiyon ke lie bharat sarakar 2012 mein Arjun award se sammanit kar chuki hai.

Deepa ko is rajat padak par ab Haryana sarakaar dvara 4 karod rupe pradan kie jaenge. Isake alava unhen khel mantralay ki taraph se 50 lakh rupe die jaenge.