Film dekhne se pahle padhen kaisi hai Sonakshi Sinha ki ‘Akira’

akira-movie

Cast: Sonakshi Sinha, Anurag Kashyap, Sen Sen Sharma, Amit Sadh, Smita Jaykar, Atul Kulkarni, Lakshmi Rai
Director: A. R. Murugadas
Producer: A. R. Murugadas, Fox Star Studios
Author: Karan Singh Rathore
Story: Santha Kumar
Music: Vishal-Shekhar

Ak ladaki bachpan mein kuchh manchale ladkon ko ek college kee ladaki ko tang karate dekhti hai to usase raha nahin jata aur vo unme se ek ladke kee pitaee kar deti hai. Uske pita use marshal art kee trening dilavate hain. Ek din jab vo ladki fir se ek ladaki kee madad karti hai to use bal sudhar grh jana padta hai. Ye kahani hai akira kee, jiski sahanashilta kee pariksha bade ho kar bhi nahi thamati. Vah mahilao ke sath anyay hota dekh vidrohi ho jati hai.

‘Ghajini’ aur ‘Holiday’ jaisi films bana chuke nirdeshak A. R. Murugadas ko kisi aur chij ka shrey jata ho ya na jata ho, lekin ek chij ka shrey jarur jata hai ki unhone hi bollywood mein 100 Krodi club kee shuruaat kee thi. Saal 2009 mein aaee Aamir Khan kee film ‘Ghajini’ se na keval 100 Krodi club kee shuruaat huee, balki is film se audience ke bich Aamir kee ek naee chhavi bhi banee. Unaki naee film ‘Akira’ bhi ‘Ghajini’ se kuchh jyada alag nahin lagati.

Ye kahani hai Jodhpur se Mumbai rahne aaee akira (Sonakshi Sinha) kee, jisne apne bachapn ke teen sal bal sudhar grh mein bitae hain. Use ye saza ek ladaki kee madad karane ke lie milati hai, jiske munh par ek ladka tejab fenk deta hai. Akira ke pita (Atul Kulkarni) ne use bachapn se mukabla karna sikhaya hai aur yahi vajah hai ki vah jahan kahin bhi anyay hota dekhati hai to usase raha nahi jata aur vah dusro kee madad ke lie kud padti hai. Mumbai mein aakar akira ko jis college mein dakhila milta hai vahan ke kuchh shararati ladake-ladakiya use tang karne lagte hain. Mijaj se aksar shant rahne vali akira unhen achchhe se sabak sikha kar college kee hero ban jati hai. Shahr mein ek taraph akira kee jindgi chal rahi hai to dusari taraph Crime Branch ke ek ACP rane (Anurag Kashyap) kee dadagiri bhi.

Ak din rane ko ek sadak durghatna mein karib 10 karod rupyon se bhara ek bag milta hai, jise vah apane teen puliskarmi sathiyo ke sath sajha kar leta hai. Lekin is durghatana mein usake hathon ek khoon ho jata hai. Rane puri koshish karta hai ki is baat kee bhanak kisi ko na lage, lekin kisi tarah se ye baat ek callgirl Maya (Lakshmi Rai) ko pata chal jati hai. Vo chupake se rane kee baton kee camera se recording kar leti hai, taki vo use blackmail kar sake. Lekin isase pahle Maya ka camera ek coffee shop se chori ho jata hai aur kisi tarah se akira tak pahunch jata hai.

Is raj ko raj rahne ke lie rane apane sathi puliskarmiyo sang Maya ko thikane lagata hai aur fir camera kee talash mein apane sathiyon ko akira ke college bhejta hai. Maya ke murder kee janch ka jimma crime branch kee hi ek ACP Rabia (Konkona Sen Sharma) ke pas aa jata hai, jo behad bariki se is kes kee janch mein jut jati hai. Rane ke aadami akira ko pakad lete hain aur vo sara ghatnakram kisi ko na bata sake isake lie use vah pagalkhane bhej dete hain, jahan akira ko bijali ke shok de kar pagal bana diya jata hai.

Akira ka kirdar kisi hero kee tarah hai, jo marne mrane par aae to kisi ko nahin chhodata. College kee is ladaki ko marshal art ke alava pistol bhi chala aati hai aur jarurat padane par vah ek chhuri se police valon ko marane tak ka bhi maadda rakhati hai.

Leave a Reply

Your email address will not be published. Required fields are marked *