group video calling app

Garamin ka naya smartwatch bharat men launch kar diya gayaa hai. Isamen music ke lie storage khaas taur par diyaa gayaa hai. Saath hee isamen fitnet tracking kee suvidhaa bhee maujood hai.

Garmin ne bharat men apane nae smartwatch vivoactive 3 music ko launch kar diyaa hai. Saal bhar pahale garmin ne vivoactive 3 ko launch kiyaa thaa. Is nae viyarebal device men 2017 vaale modal men die gae saare features maujood hain. Saath hee ab isamen music ko bhee jod diyaa gayaa hai. Vivoactive 3 music ko is saal june men sabase pahale pesh kiyaa gayaa thaa. Garmin ne pahalee baar kisee kifaayatee watch men is tarah ke features ko jodaa hai. Is viyarebal men 500 gaanon ko rakhane kee jagah hai, jise bluetooth headphone se seedhe taur par chalaayaa jaa sakataa hai. Music sunane ke lie aapako smartwatch rakhane kee jaroorat naheen padegee. Is smartwatch men music ke saath-saath fitness tracker aur GPS bhee diyaa gayaa hai. Isakee keemat 25,990 rupee rakhee gai hai, jo garmin vivoactive 3 kee tulanaa men 1,000 rupee jyaadaa hai. Graahak vivoactive 3 music ko payatm mall, amazon india, flipkart aur garmin ke store se khareed sakate hain. Saath hee ise chunindaa offline store jaise cromaa aur relience digital se bhee khareedaa jaa sakataa hai. Features kee baat karen to sabase badee khoobee music ke alaavaa isamen GPS, heart rate monitor, garmin pey ke jarie contactless payment, 7 dinon tak kee battery aur garmin connect IQ app store kaa access diyaa gayaa hai. Vivoactiv 3 music men vivoactive 3 ke mukaabale keval music store kee chamta alag se dee gai hai. Isamen offline music playlist download kiyaa jaa sakataa hai. Ise Deezer aur iHeartRadio jaise chunindaa music streaming services ke jarie download kiyaa jaa sakataa hai. Isake saath hee seedhe pc se bhee smartwatch men music transfer kiyaa jaa sakataa hai. Ek baar music load hone ke baad aapako bluetooth kee madad se device ko pair karane kee jaroorat hogee. Specification kee baat karen to garmin vivoactive 3 music men 1.2-inch (240×240 pixcel) display diyaa gayaa hai. Isakaa measurement 43.1×43. 1×13. 6mm hai aur isakaa Wajan 39 gram hai.