gym

Aajkal gym jana fashion ban gaya hai. Achchhi body pane ki bat ho ya pet ki charbi kam karani ho, masal banani hon ya badhte vajan ko kam karana ho, sabhi ko gym se behatar upay koee nahi lagata. Vase bhi achchhi body kaun nahin chahata, lekin gym jane se achchhi body ban jae yah jaruri nahi.

Gym jane ke sath hi diet aur dinacharya me bhi badlav karane padate hain tab kahi jakar koee bhi vyakti apana manchaha sharirik shape pa sakata hai. Aapako batate hai gym me muscle building ke bad kya karana chahie. Yah tips aapako gym me heavy workouts ke bad normal hone aur behatarin body pane me madadgar sabit honge.

Shant rahe:- gym me pasina bahane ke dauran hrday ki gati to tej hoti hi hai sath hi pure sharir par atirikt dabav padata hai. Aise me gym se bahar aane ke bad sharir ko aaram de aur kuchh der shant rahe. Hard exercise karne ke bad kisi light exercise ko karte hue workout samapt kare.

Khub pani piye:- khud ko dehydration se bachae rakhana behad jaruri hai. Gym ke dauran sharir se bahut pasina nikalata hai, aise me gym se bahar aakar pani, juice ya nariyal pani pina labhadayak hota hai. Kitana pani pina jaruri hai isake lie ek chhoti si trik apanae.

Vyayam se pahale aur bad mein vajan taule. Jitane pound bhi ghate hon, utane pani piye. Sharir me pani ki kami to nahi ho rahi isake lie apane toilet par bhi dhyan den. Yadi peshab ka rang pilapan lie hue hai to pani ki matra badhae.

Stretch:- stretch session ko ghatae nahi na hi use chhode. Yah na keval workout ke bad sharir me hone vale dard ko kam karegi balki muscles ko bhi lachila rakhegi. Dhyan rahe ki itana jyada khinchav na ho ki dard hone lage ya aaram milane lage. Ek simit samay tak hi stretching karani chahie.

Kya khae:- yadi aap vajan kam karane ke lie vyayam kar rahe hain to vyayam ke bad khana aapako hairat me dal sakata hai lekin chinta mat kijie, aisa karane se vajan nahi badhega. Vyayam ke dauran energy ke lie calories ghatati hai aise me, vyayam ke bad li jane vali svasth calories se motapa nahi badhata. Yah calories sharir ki marammat karane aur energy ko barkarar rakhane ke lie hoti hai.