Cricketer se MP bane Navjot Singh Sidhu ne aakhirakaar sabhi khabaron par viraam lagaate hue Awaaz-e-Punjab party mein shamil ho gae hai. Gaurtalab hai ki pichhale kuchh dino se unake AAP mein shamil hone kee bhi khabare aayi thi. Lekin aisa antim samay mein ho nahin paaya. BJP ne saal 2014 mein lokasabha chunav ke samay Amritsar seat se MP Sidhu kee jagah Arun Jaitley ko party candidate banaya gaya tha. Sidhu Amritsar kee seat se 10 sal se MP rah chuke the. BJP ka danv ulat gaya aur Jaitley chunav har gae. Tab se hi Sidhu BJP party se naraj the.

Gaurtalab hai kee, pichhale mahine BJP se nata tod chuke Sidhu ke Punjab vidhansabha chunav se pahale AAP se judane kee khabar thi. Fir khabar aai ki unaki yah batchit khatai mein pad gai hai. Bataya gaya ki cricket se rajniti mein aae poorv BJP MP Sidhu ne AAP se unhen CM candidate banane aur apani patni Navjot Kaur ko bhi ticket dene kee mang kee. AAP ne bataya ki unaki in mangon par ade rahane ke chalate party se unaki batchit atak gai thi.

Agale saal hone vale Punjab vidhansabha chunav ko dekhate hue BJP ne unhen manane kee koshish kee. Unhen rajysabha MP banaya. Lekin MP banane ke teen mahine ke baad unhonne party chhod di. BJP chhodne ke bad sidhu ne ek press conference kar BJP par joradar hamala bola tha.

Navjot Singh Sidhu ne delhi mein press conference mein khulasa kiya tha ki unako punjab se door rahane ke lie kaha gaya tha, isalie unhonne rajysabha se istipha diya. Aisa ek baar nahin, teen-char bar hua hai. unhonne kaha ki punjab se upar duniya kee koi party nahin hai, duniya kee koi bhi party punjab se badi nahin hai. Jahan par punjab ke hit kee bat hogi vahan par Sidhu khada rahega.