paan-ke-patte
Bharat me paan bahut hi adhik matra me istemal kiya jata hai. Sath hi yah hamari sanskrti ka abhinn hissa bhi hai. Aap ko bata de ki kaee sanskrti me paan ko shadi ke bad mehamano ko parosane ki pratha hai. Paan se hi mehamano ka satkar pura kiya jata hai. Sath hi isase hi mehamano ki davat ko purn mana jata hai. Isake alava paan ko puja me bhi shamil kiya jata hai. Vaise aksar ham log paan ko apane munh ka svad badalane ke lie bhi kha lete hai. Lekin ham is paan ke patte ke kaee sare aushadhiy guno se anjan hote hai. Sath hi isame maujud antioxidants aur calcium hamare sharir me hone vali svasth ki kaee samasyaon ko thik karane me madadgar bhi hota hai. Lekin paan ko bina kisi tambaku ke sath hi khana chahie. Tabhi yah aap ko fayda pahuncha sakta hai. Isi karan aaj ham aapako har shadi baraton aur pooja me dikhane vale paan ke fayde ke bare me bata rahe hain. Chalie jante hai paan ke patton ke faydon ke bare me.

Khansi

Paan ke patton se khansi thik ho jati hai. Isake lie karib 15 paan ke patton ko tin glass pani me dal dijie. Isake bad is pani ko ubale ise tab tak ubale jab tak ki yah ek tihaee na rah jae. Ab is mishran ko ek din me 3 bar pien isase khansi jald hi thik ho jati hai.

Saans ki samasya

Saans ki samasya me paan ke patte behad hi labhakari hote hai. Is samasya ke dauran karib 7 paan ke patton ko lekar 2 glass pani me dal de. Ab is pani me rock sugar ko mila kar ubal le. Jab pani ka karib ek glass rah jae to use ek din me karib 3 bar pina chahie isase kafi labh milta hai.

Sharir ki badbu

Garmiyon ke aate hi pasina aana shuru ho jata hai. Pasine ki durgandh se hamare aas pas ke log bade hi pareshan ho jate hai. Sath hi pasine ki durgandh se hame bhi sharmindagi ka samna karna padta hai. Is samsya se bachane ke lie paan ke patton ko 2 cup pani me ubal kar pine se sharir ki durgandh thik hoti hai.

Jalne me

Aksar hamaren ghar ki mahilaen khana banate samay jal jati hai. Aisi sthiti me paan ke patton ko piskar jale hue sthan par lagane se jali huee jagah teji se thik ho jati hai sath hi us jagah par thandak ka ahasas bhi hota hai.

Chhalon ko thik karane me

Pet ki gadabdi ke karan hamare munh me aksar chhalon ki samasya ho jati hai. Chhalon ke dauran ham kuchh bhi nahi kha sakate hai. Aisi samasya hone par hame paan ke patto ko chabana chahie. Isake bad sade pani se kulla kar lena chahie. Din me 2 bar aisa karane se chhalon me jald hi rahat milti hai.