RelianceJio ke dhamakedar sas‍te plans (messages aur roaming hamesha ke lie free)

RelianceJio – messages aur roaming hamesha ke lie free.

Reliance Industries Chairman Mukesh Ambani ne jio ki 4G seva ko lekar dhamakedar ailan kie hain. Unhonne duniya ki sabase sasti internet seva ka ailan kar digital duniya mein halachal macha di hai.

RelianceJio ka sabase sasta plan 149 rupaye se shuru hoga. Isamen 300 MB ka 4G data aur 100 SMS milenge.

499 rupaye ke is plan mein 4 GB ka 4G data aur rat mein unlimited data milega. Grahak WI-FI hotspot ke jarie 8 GB ka data use kar sakate hain. 499 se shuru hone vale sabhi plans mein unlimited calls va SMS aur rat mein data milega.

999 rupaye ke is plan mein grahak ko 4G ka 10 GB data milega. 20 GB WI-FI hotspot ke jarie use kar sakenge.

1499 rupaye ke L plan mein 1499 rupaye kharch karake grahak ko company ki taraph se 20 GB data milega. WI-FI hotspot ke jarie 40 GB ka istemal free milega.

2499 rupaye ke XL plan mein grahak ko 35 GB data milega. Isake atirikt 70 GB data ka istemal customer WI-FI hotspot se kar sakega.

3999 rupaye ke XXL plan mein 60 GB ka data milega. Agar grahak WI-FI hotspot ka istemal karata hai to usako 120 GB ka atirikt data use karane ko milega.

4999 rupaye ke XXXL plan hai mein 75 GB ka data free milega aur isake sath hi Wi-FI hotspot se 150 GB ka data use kar sakate hain.

Company ki salana baithak mein Mukesh Ambani ne bataya hai ki desh ki sarvadhik jansankhya yuvaon ki hai, isako dhyan mein rakhate hue unhonne student plan ko apane jio network mein jagah di hai. Isake tahat desh ke chhatron ko 25 % tak jyada data diya jaega.

Reliance Jio December 2016 tak users ko free internet aur free STD-local calls ki suvidha degi. Itana hi nahin Mukesh Ambani ne ye ghoshana bhi kar di hai ki aap pure desh mein kahi bhi jio-to-jio free call kar sakenge.

Leave a Reply

Your email address will not be published. Required fields are marked *