Cast: Sanjay Dutt, Jimmy Shergill, Mahi Gill, Deepraj Rana, Chitrangada Singh, Deepak Tijori, Kabir Bedi, Soha Ali Khan, Nafisa Ali.
Director: Tigmanshu Dhulia
Producer: Karan Johar, Hiroo Yash Johar, Apoorva Mehta,
Time: 2 hours 31 minute

Film sanjoo ke baad pahale baar original sanjoo filmee parde par dikhe hain. Film hai – Saheb, Biwi aur Gangster 3.
Is series kee pichhalee 2 films pasand kee gaee theen. Is baat ne tigmanshu ko 3 part banaane kee himmat dee.
Saheb, biwi aur gaingasṭar-3’ shuroo hotee hai baba yaanee kunwara uday pratap kee entry se. Jo European ke kisee desh men rashiyan roole naam kaa ek khataranaak khel khelakar paisaa kamaate hai aur fir usee shahar men apanaa hotel khol letaa hai. Ek baar gusse men aakar ek kaand kar dete hain aur usee chakkar men vaapas india bhej die jaate hain. Rashiyan roole ko film kee shuruaat men dikhaane ke alaavaa kai baar isakaa explanation diyaa jaataa hai ki film men isakaa istemaal kyon kiyaa jaa rahaa hai. Saath hee khelane kaa niyam bhee bataayaa jaataa hai. Is khel ke baare men itanee vistrit jaanakaaree kyon dee jaa rahee thee ye aapako film ke aakhir men samajh aaegaa.
Yahaan india men Madhave devi yaanee maahee gil apanaa kaam kar rahee hain. Ilaake kee MP hain. Unakaa kiradaar dekhakar lagataa hai ki vo TV serial bahut dekhatee hain. Har samay kisee n kisee ke khilaaf planing hee kar rahee hotee hain. Saaheb yaanee jimee sheragil pichhalee hee film men jel chale gae the. Ab bhee vaheen hain. Yogaa-meditation vagairah kar ke badan aur ego duroost rakhaa hai lekin baal safed ho gae hain. Kahate hain-

“sasur ji binaa khoon-kharaabaa jel se nikaal den, hamaare aane ke baad to khoon-kharaabaa honaa hee hai.”

 

isse thodee-bahut ummeed bndhatee hai ki aage kuchh dekhane ko milegaa. Itanaa sab hote-hote film kaa intervel ho jaataa hai. Isake baad film ke characters ek hee jagah milate hain. Aur saaraa jhol shuroo hotaa hai. Yahaan par ek seen hai. Is seen men raajasthaan ke saare raaje-mahaaraaje ikatthaa hote hain. Sab photo khinchaa rahe hote hain. Bas do log baahar hote hain. Saaheb aur Gaingasṭar. Ek apanee gareebee ke kaarana aur doosaraa image ke kaarana. Yahaan sanjay datt aur jimee sheragil kee pahalee mulaakaat hotee hai. Isake baad film raftaar pakad letee hai aur aakhir tak isee speed men chalatee hai. Ye film kee sabase achchhee cheeza hai. Pahalaa haaf binaa matalab ke kheenchane ke baad aapako kahaanee dekhane ko milatee hai. Kahaanee koi bahut kamaal naheen hai lekin jab aap hall se baahar aate hain, to ek dam film vaale feel men hote hain
Film ke dialogues thode predictable lagate hain, lekin jabaradast hain. Kuchh ek to bahut jabar. Jaise-

“Aapakee ragon men rajavaadon kaa khoon bachaa hai ki rajaneeti karate-karate paanee ho gayaa?”

Ab tak saaheb jel men the aur janataa unhen bhoolane lagee thee. Aise men unhen kuchh aisaa karanaa thaa, jisase vo media kee nazaron men aa jaen. Isalie vo preevee pars ko public city stand ke taur par istemaal karate hain. Jo bematalab saabit hotaa hai. Film men chitraangadaa sinh ne kaam kiyaa hai. Unake character kaa naam suhaanee hai, jo ek trade dancer hai aur apane aasapaas ke bachchiyon ko trainning detee hain. Jab vo milengee to main unase personaly poochhanaa chaahoongaa ki ye film unhonne kis preshar men aakar kee thee. Us rol kaa apanaa kuchh naheen thaa. Rol bhee naheen. Unhen tigmaanshu dhooliyaa ne rol bolakar chikan rol pakadaa diyaa. Vo film kee baarahaveen khilaadee hain. Unake maidaan par aae bagair match khatm ho jaataa hai. Unake jimme sirf ek kaayade kaa dialouge hai-

“jab naam ke alaavaa kuchh bachaa na ho, to naam ko bachaa-bachaa ke chalanaa chaahie.”

Gaingasṭar yaanee sanjay datt Vo film men bahut achchhaa kar rahe the.
Unhonne us characterr ko bade man se aur netural tareeke se nibhaayaa hai.
Film men ek seen hai. Uday ke bhai vijay yaanee deepak tijoree apane hoṭal ke ek staff se baat kar rahe hote hain. Itane men uday vahaan aataa hai aur baat karane ke lie usake kndhe men haath daalakar kheenchate hue lekar jaataa hai. Deepak Tijoree sanjay datt ke bhai bane hain